ტელეკომპანია „იმედის“ ყოფილმა ჟურნალისტმა, თათია სამხარაძემ, გადაცემა ,,განსხვავებულ აქცენტებში'' შალვა რამიშვილის მხრიდან, მის მიმართ განხორციელებულ სექსუალურ შევიწროებაზე ისაუბრა.

მისი თქმით, შალვა რამიშვილი სხვა გოგონების მიმართაც ახდენდა სექსუალურ შევიწროებას.

„ეს არის დიდი ტრავმა ქალისთვის, ძალიან დამამცირებელი. სხვადასხვა სახის მანიპულაციები იყო. ყოველ შესაძლებლობაზე მე ამას ვხედავდი, მინიშნებები მქონდა ამ საკითხზე, სხვა შესაძლებლობა აღარ დამიტოვა, რომ წამოვსულიყავი სამსახურიდან. ჩემ მიმართ განხორციელებული სექსუალური შევიწროების ფაქტამდე რამდენიმე ხნით ადრე მქონდა ინფორმაცია, რომ ის ასეთი ტიპის შეთავაზებას უკეთებდა გოგონებს. პირად საუბრებში ეს გოგონები მიკავშირდებოდნენ. ჩემი სახელი ამ გოგონებთან ჟღერდებოდა და ის ეუბნებოდა, რომ მე ტელევიზიაში ეს გზა გავიარე. შენ თუ გინდა ეკრანზე მოხვდე, ეს გზა უნდა გაიარო. მესიჯი კარგად მუშაობდა, როგორც ჩანს, ქალებს, რომლებიც პირად საუბრებში მიკავშირდებოდნენ, ამის სჯეროდათ. ერთ-ერთი მიზეზი ესაც გახდა, რომ ეს გადაწყვეტილება მიმეღო და ეს ამბავი საჯაროდ გამომეტანა“, - აღნიშნა თათია სამხარაძემ.