ამერიკელმა მსახიობმა კევინ სპეისიმ აღიარა, რომ ის ჰომოსექსუალია, ამის შესახებ მსახიობმა  Twitter-ზე დაწერა.

„ამ ისტორიამ მიბიძგა ცხოვრება შემეცვალა. ვიცი, რომ ჩემს შესახებ სხვა ისტორიებიც არსებობს. ახლობლებმა იციან, რომ ურთიერთობები მქონდა კაცებთანაც და ქალებთანაც. მე მიყვარს კაცები და მათ მთელი ცხოვრების განმავლობაში ვხვდები. მე გეის ცხოვრება ავირჩიე,“- წერს მსახიობი. 

Buzzfeed News-ის ინფორმაციით, რეპმა და სპეისიმ ერთმანეთი 1986 წელს გაიცნეს, როდესაც ორივე ბროდვეის შოუში მონაწილეობდა. მაშინ რეპი 14 წლის იყო, სპეისი კი 26-ის. სწორედ ამ პერიოდში მოხდა ინციდენტი, რომელიც მხოლოდ ახლა გახდა ცნობილი. როგორც რეპი ყვება, სპეისიმ ის საკუთარ ბინაში დაპატიჟა და მასთან კავშირის დამყარებას შეეცადა. ენტონი რეპი წლების განმავლობაში ამის შესახებ არავის უყვებოდა.