ესპანეთის ხელისუფლების მიერ თანამდებობიდან გათავისუფლებული კატალონიის ლიდერი კარლეს პუჩდემონი ბელგიაში გაემგზავრა. ამის შესახებ მისმა ადვოკატმა განაცხადა.

ადვოკატს არ დაუზუსტებია აპირებს თუ არა პუჩდემონი ბელგიაში პოლიტიკური თავშესაფრის თხოვნას. მისი თქმით, კატალონიის ყოფილმა ლიდერმა ის შესაძლო იურიდიული დაცვისთვის დაიქირავა.

ესპანეთის პროკურატურამ შესაძლოა პუჩდემონსა და მისი მთავრობის წევრებს ამბოხის ორგანიზებაში ბრალი წაუყენოს.

1ოქტომბერს გამართული რეფერენდუმის საფუძველზე 27 ოქტომბერს პარლამენტმა კატალონიის დამოუკიდებლობას მხარი დაუჭირა.

რის შემდეგაც ესპანეთის სენატმა კატალონიას ავტონომია შეუჩერა და რიგგარეშე საპარლამენტო არჩევნები 21 დეკემბრისთვის დანიშნა.