,,დემოკრატიული მოძრაობის" ლიდერის, ნინო ბურჯანაძის განცხადებით, არატრადიციული სექსუალური ორიენტაციის ადამიანებთან დაკავშირებული პრობლემა არსებობდა დედამიწის დასაბამიდან. 

მისივე თქმით, ეს არის აბსოლუტურად შეგნებულად შემოტანილი თემა.

,,პრობლემა, რომელზეც ჩვენ ვლაპარაკობთ, არატრადიციული სექსუალური ორიენტაციის ადამიანებთან დაკავშირებით, არსებობდა დედამიწის დასაბამიდან, ყველა ქვეყანაში, ყველა ერში, ყველა საზოგადოებაში, ყველა სოციალურ პოლიტიკური წყობის დროს. უბრალოდ, ახლა ამ თემების გამოყენება ხდება ცალკეული სპეცსამსახურების მხრიდან იმისათვის, რომ ქვეყანაში ჩამოინგრეს ქვეყნის ტრადიციული ფასეულობები.

ჩემთვის არ აქვს მნიშვნელობა ადამიანი შავია, თეთრია, ყვითელია, პრორუსია, პროამერიკელია თუ სექსუალური უმრავლესობის თუ უმცირესობის წევრია.

რაც დასავლეთიდან მოდის, არ არის ადამიანის უფლებების დაცვა, ეს არის პროპაგანდა და ეს არის მიუღებელი, თორემ დაცვა სჭირდება ყველა ადამიანს ერთნაირად მისი შეხედულებების და სექსუალური ორიენტაციის მიუხედავად" აცხადებს ბურჯანაძე", - განაცხადა ნინო ბურჯანაძემ ,,TV პირველის'' ეთერში გურამ კაშიას ლგბტ პირთა მხარდამჭერი სამკლაურით თამაშის თემაზე საუბრისას.