უცხოური მედია იუწყება, რომ შეყვარებულები უკვე დაინიშნენ. მომღერელის აგენტმა კრისტიან კარინომ ლედი გაგას ცოლობა ჯერ კიდევ ზაფხულში სთხოვა.

ინსაიდერების თქმით, კარინომ დალოცვა ჯერ მომავალ სიდედრს სთხოვა, შემდეგ კი შეყვარებულს დაუჩოქა და სთხოვა ცოლად გაყოლოდა.

წყვილი დღესასწაულის დაჩქარებას არ აპირებს, რადგან ლედი გაგა ჯერ უნდა გამოჯანმრთელდეს.  

 როგორც ცნობილია, მას ქრონიკული დაავადება ფიბრომიალგია აწუხებს, რომელსაც ახლავს ტკივილები მთელს სხეულში, დაღლილობა, უძილობა და დეპრესია.

ლედი გაგა თავის აგენტს გაზაფხულიდან ხვდება. წყვილის ურთიერთობა ელვისებურად განვითარდა. ლედი გაგამ ცოტა ხნის წინ განაცხადა, რომ ოჯახური ცხოვრებისა და შვილების გაჩენისთვის მზად არის.