ჰარვი ვაინშტაინისა და კევინ  სპეისის შემდეგ სექსუალურ შევიწროებაში დასტინ ჰოფმანსაც ადანაშაულებენ. მწერალმა ანა გრემ ჰანტერმა, განაცხადა, რომ როდესაც ის 17 წლის იყო, მსახიობმა მის მიმართ შეუფერებელი საქციელი ჩაიდინა.

როგორც მან The Guardian-ს  უამბო, 1985 წელს ფილმ „კომივოიაჟერის სიკვდილის“ გადასაღებ მოედანზე ინტერნად მუშაობდა. ჰოფმანმა მის მიმართ ყურადღება გამოიჩინა, ეფლირტავებოდა, სექსი შესთავაზა და მის კოცნასაც შეეცადა.

მსახიობმა მწერლის განცხადების საპასუხოდ, აღნიშნა, რომ ქალებს პატივს სცემს. მისი თქმით, თავს საშინლად გრძნობს თუ კი მისმა ქმედებებმა ჰანტერი არაკომფორტულ სიტუაციაში ჩააგდო.

 „ძალიან ვწუხვარ. ეს არ ასახავს იმას, რასაც მე წარმოვადგენ“, - აღნიშნა მსახიობმა.

გამოჩნდნენ სკეპტიკოსებიც, რომლებსაც გაუკვირდათ, დიდხანს ხომ არ ფიქრობდა დაზარალებული სექსუალური შევიწროების შესახებ ესაუბრა, რადგან მომხდარიდან მრავალი წელი გავიდა.

იმის მიუხედავად, რომ მტკიცებულებები არ არის, ქალს კომპენსაციის მიღება მაინც შეუძლია. ამერიკის სასამართლო სექსუალური შევიწროების მსხვრეპლთა მიმართ მეტად ლოიალურია.