ეგვიპტელმა იურისტმა ნაბი ალ-ვახშმა თანამედროვე გოგონები, რომლებსაც დახეული ჯინსები აცვიათ, მწვავედ გააკრიტიკა.

თუმცა კრიტიკა აგრესიულ მოწოდებაში გადაიზარდა. ალ-ვახშის თქმით, ქალები, რომლებსაც ასეთი ჯინსები აცვიათ, სასტიკ მოპყრობას იმსახურებენ.

„ასეთ გოგონებზე ძალადობა - პატრიოტული ვალია. მათი გაუპატიურება - ეროვნული ვალდებულებაა“, - აღნიშნა ადვოკატმა.

ქალთა საკითხებში ეგვიპტის ეროვნულ საბჭოში  განაცხადეს, რომ ალ-ვახშის გამონათქვამების გამო სასამართლოში სარჩელის შეტანას აპირებენ.

როგორც ცნობილია, ეგვიპტის დედაქალაქი კაირო ქალებისთვის ყველაზე საშიშ ქალაქად აღიარეს, რადგან აქ მაღალია ძალადობის დონე და  ქალები ხშირად ხდებიან სექსუალური ძალადობის მსხვერპლნი.