ესპანეთის პროკურატურამ ნაციონალურ სასამართლო კოლეგიას  სასამართლომდე კატალონიის მთავრობის ყოფილი წევრების დაკავების თხოვნით მიმართა.

საუბარია კატალონიის ყოფილი ხელმძღვანელობის რვა წევრზე, რომლებიც დღეს მადრიდში სასამართლოში გამოცხადნენ.

პროკურატურამ კიდევ ერთი წევრის სანტა ვილას 50 ათასი ევროს გირაოთი გათავისუფლება მოითხოვა.

როგორც პროკურატურაში განაცხადეს, ვილა გამოძიებასთან თანამშრომლობს, ამის გარდა ის თანამდებობიდან კატალონიის პარლამენტის მიერ დამოუკიდებლობის გამოცხადებამდე გადადგა.

ესპანეთის უმაღლეს სასამართლოზე კატალონიის ხელისუფლების მიერ დამოუკიდებლობის გამოცხადების შესახებ საქმის მოსმენა გაიმართა. მას პარლამენტის ექს-სპიკერი და კიდევ ხუთი ყოფილი დეპუტატი ესწრებოდა.

მოსმენაზე არ გამოცხადებულა კატალონიის გადაყენებული პრეზიდენტი კარლეს პუჩდემონი და მისი რამდენიმე თანამოაზრე, რომლებიც ამ დრომდე ბელგიაში რჩებიან.