,,არტ გალერეაში'' მსახიობ ლელა შარაბიძის პერსონალური გამოფენა გაიმართება
დღეს, უზნაძის ქუჩა 68- ში მდებარე ,,არტ გალერეაში'' 19:00 საათზე სოხუმის კ. გამსახურდიას სახელობის სახელმწიფო დრამატული თეატრის მსახიობის ლელა შარაბიძის პერსონალური გამოფენა გაიმართება.
„მსახიობი ვარ და ძალიან მიყვარს ჩემი პროფესია, ყველაზე ბედნიერად თავს სცენაზე ვგრძნობ, მაგრამ ცხოვრება მოულოდნელობებით არის აღსავსე, როდის რა სიურპრიზს შემოგთავაზებს არიცი, მთავარია მზად იყო მის მისაღებად. სწორედ ასე მოხდა ჩემს შემთხვევაშიც. თამამად შემიძლია ვთქვა რომ მეორედ დავიბადე, საოცარ სამყაროში აღმოვჩნდი,“ - განაცხადა ლელა შარაბიძემ.
