სირიაში „ისლამური სახელმწიფოს მთავარი დასაყრდენი - ქალაქი დეირ-ეზ-ზორი მებრძოლებისგან გათავისუფლდა
სირიის სამთავრობო არმიამ „ისლამური სახელმწიფოს“ მებრძოლებისგან ქალაქი დეირ-ეზ-ზორი სრულად გაათავისუფლა. ამის შესახებ ინფორმაციას სირიის სახელმწიფო ტელევიზია ავრცელებს.
ქალაქი დეირ-ეზ-ზორი სირიაში „ისლამური სახელმწიფოს“ უკანასკნელი მთავარი დასაყრდენი იყო. მებრძოლებმა ქალაქზე კონტროლი 2014 წლიდან დაამყარეს.
„ისლამური სახელმწიფოსთვის“ დეირ-ეზ-ზორს სტრატეგიული მნიშვნელობა ჰქონდა, რადგან ის სირია-ერაყის საზღვართან ახლოს მდებარეობს.
