ბათუმში ავარიის შედეგად ერთი ადამიანი დაშავდა
ბათუმში, ასათიანის ქუჩაზე ერთმანეთს მსუბუქი ავტომობილი და მოპედი შეეჯახა. შედეგად ერთი ადამიანი დაშავდა.
ექიმების განცხადებით, დაშავებულის სიცოცხლეს საფრთხე არ ემუქრება.
ის საავადმყოფოში მომხდარის თვითმხილველებმა გადაიყვანეს.
შსს-ს ინფორმაციით, მომხდარზე გამოძიება სსკ-ის 276-ე მუხლის პირველი ნაწილით დაიწყო, რაც სატრანსპორტო მოძრაობისას წესების დარღვევას გულისხმობს.
