ტეხასში მომხდარ თავდასხმას ორსული ქალი და მისი სამი შვილიც ემსხვერპლა
საზერლენდ-სპრინგსის ბაპტისტურ ეკლესიაში მომხადარი სროლის შედეგად დაიღუპა ორსული ქალი და მისი სამი შვილი. ამის შესახებ Daily Mirror-ი წერს.
გამოცემის ინფორმაციით, ქალი რვა თვის ორსული იყო.
შეიარაღებულმა მამაკაცმა (წინასწარი მონაცემებით 26 წლის დევიდ კელი) ცეცხლი საკვირაო წირვის დროს გახსნა.
დაიღუპა 26 ადამიანი, ეკლესიაში 23 გარდაცვლილი იპოვეს, ორი - შენობის გარეთ, ერთი კი ჰოსპიტალში მიყვანამდე.
ხელისუფლების განცხადებით, მსხვერპლი შესაძლოა გაიზარდოს. გარდაცვლილთაგან ყველაზე უფროსი 72 წლის იყტო, ყველაზე უმცროის კი - ხუთის.
