ბრიტანეთის პრემიერმა ტერეზა მეიმ სექს-სკანდალის მსხვერპლებს ბოდიში მოუხადა და პარლამენტში წესრიგის დამყარების პირობა დადო.
როგორც გამოცემა Sun-ი აღნიშნავს, მეი და მისი თანამოაზრეები ლეიბორისტების პარტიას შეხვდნენ, რათა პარლამენტის თანამშრომლებისთვის უსაფრთხოების ახალი ზომები განეხილათ. შეხვედრის შემდეგ ბრიტანეთის პრემიერმა სკანდალის გამო მწუხარება გამოთქვა.

 „ვწუხვარ, რომ წლების განმავლობაში სამსახურეობრივი უფლებამოსილების ბოროტად გამოყენების ამდენ შემთხვევას ვაწყდებოდით“, - აღნიშნა მეიმ.

„ჩვენ ყველას უნდა გვრცხვენოდეს, რომ ეს ხდებოდა აქ, დემოკრატიის ქვეყანაში“, - დასძინა მან.  

დიდი ბრიტანეთის თავდაცვის მინისტრი მაიკლ ფელონი თანამდებობიდან 15 წლის წინ მომხდარი სექსუალური შევიწროების  გამო გადადგა. მსგავსი ბრალდებები პარლამენტის წევრების მიმართაც გაისმა.