სექსუალურ შევიწროებაში დადანაშაულებული მსახიობი კევინ სპეისი და პროდიუსერი ჰარვი ვაინშტაინი ამერიკის კლინიკაში სექსუალური დამოკიდებულების დასაძლევად სარეაბილიტაციო კურსს გადიან. ამის შესახებ გაზეთი Daily Mail-ი წერს.

Meadows-ის კლინიკა არიზონაში მდებარეობს. იქ ერთთვიანი მკურნალობა 36 ათასი დოლარი ღირს.

კლინიკაში აცხადებენ, რომ მათ სექსუალური დამოკიდებულების სამკურნალოდ აშშ-ში საუკეთესო პროგრამა აქვთ.

Daily Mail-ი წერს, რომ სპეისი კლინიკაში გასული კვირის ბოლოს მივიდა. ვაინშტაინმა კი Meadows-ს უფრო ადრე მიმართა.

სარეაბილიტაციო ცენტრში სპეისსა და ვაინშტაინს შეუძლიათ ისარგებლონ აუზით, იოგისა და ფიტნეს-ცენტრებით. მათთვის ასევე ხელმისაწვდომი იქნება ცხენით ჯირითი და ნემსებით მკურნალობა.

Meadows-ი მათ განკურნებას 45-დღიანი კურსით აპირებს.

ოქტომბერში 30-ზე მეტმა ქალმა ჰარვი ვაინშტაინი სექსულაურ შევიწროებასა და გაუპატიურებაში დაადანაშაულა. მათ შორის იყვნენ კარა დელევინი, ლეა სეიდუ, ანჯელინა ჯოლი და გვინეთ პელტროუ.

ამ აღიარებების ფონზე ჰოლივუდის ბევრმა ვარსკვლავმა შევიწროებისა და მათზე ძალადობის შესახებ განაცხადა. კერძოდ, ანალოგიური ბრალდება გაისმა კევინ სპეისის მისამართითაც.