საქართველოში ჩადენილი მკვლელობისთვის ინტერპოლით ძებნილი პირი ავსტრიაში დააკავეს
საქართველოში ჩადენილი მკვლელობისთვის ინტერპოლით ძებნილი პირი ავსტრიაში დააკავეს. ამის შესახებ ადგილობრივი მედია იუწყება.
სამართალდამცველების ინფორმაციით, 43 წლის მამაკაცი სპეციალური დანაყოფის „კობრას“ მებრძოლებმა ქალაქ ლინცში აიყვანეს.
დაკავებულის ვინაობას არ ასახელებენ თუმცა, მედია წერს, რომ საქმე 1999 წელს მომხდარ მკვლელობას უკავშირდება.
მამაკაცი ყალბი პირადობის მოწმობით ავსტრიაში წლების განმავლობაში ცხოვრობდა. მას საქართველოში ექსტრადირებისთვის ამზადებენ.
