საფრანგეთში დაკარგული გოგონა, ავტომობილში იპოვეს, რომელიც ავარიის შედეგად გადაბრუნდა და ტყეში გადავარდა.
მედიის ცნობით, 28 წლის ფანი ბრიუნო გასულ კვირას ლა-კროს კომუნაში სტუმრად იმყოფებოდა.

ღამით ის თავის ავტომობილზე დაჯდა და ქალაქ პინიანში თავისი სახლიკენ გაემართა, მაგრამ იქამდე მისვლა ვეღარ შეძლო.

ქალის ძებნა პოლიციამ გათენებისთანავე დაიწყო.

საძიებო სამუშაოები იმ ზონაში მიმდინარეობდა, სადაც ფანის ტელეფონის სიგნალი დაფიქსირდა.

თუმცა ავტომობილი, რომელსაც ტყის მასივი ფარავდა, ვერტმფრენმაც ვერ აღმოაჩინა.

დაკარგული ქალის პოვნა მხოლოდ სამი დღის შემდეგ გახდა შესაძლებელი. მისი თქმით, ავტომობილმა მართვა დაკარგა, რამდენჯერმე გადაბრუნდა და ტყისკენ გაფრინდა.

 ფანიმ მანქანიდან გამოსვლა ვერ შეძლო. გავრცელებული ინფორმაციით, ქალი უმძიმეს მდგომარეობაში იმყოფება.