„ისლამურ სახელმწიფოსთან კავშირისთვის თურქეთში 100-ზე მეტი ადამიანი დააკავეს
თურქეთის პოლიცია და უსაფრთხოების ძალები ანკარაში ფართომასშტაბიან ოპერაციას ატარებენ „ისლამური სახელმწიფოს“ წევრების დასაკავებლად. ტელეარხ NTV-ის ცნობით, დაკავებულია უკვე 101 ადამიანი.
აღნიშნულია, რომ ოპერაციაში მონაწილეობს 1500-მდე პოლიციელი. სპეცოპერაცია 250 მისამართზე ტარდება.
გაცემულია ორდერები 245 ადამიანის დასაკავებლად. ოპერაციის დროს ამოღებულია მასალა, რომელიც ტერორისტული დაჯგუფების საქმიანობას ეხება.
