ლედი გაგამ ცოტა ხნის წინ განაახლა თავისი ტური Joanne World Tour. ის კონცერტით კონექტიკუტში წარსდგა, სადაც გაუთვალისწინებლი რამ მოხდა. მომღერალმა თაყვანიმცემლებს შორის დაშავებული გოგონა შენიშნა, რომელსაც სახეზე სისხლი მოსდიოდა. ლედი გაგას ეს უყურადღებოდ არ დარჩენია და გამოსვლა შეწყვიტა და გოგონას დახმარება შესთავაზა.

„კარგად ხარ? დახმარება გჭირდება? იქნებ ექიმი? ძალიან ვწუხვარ, რომ ასეთი რამ მოხდა, ახლა ექიმები მოვლენ და დაგეხმარებიან“, -მიმართა ლედი გაგამ გოგონას.

მომხდარის სხვა დეტალები უცნობია. ცნობილია მხოლოდ ის, რომ გოგონა, გაურკვეველი მიზეზით სახეში დარტყმა მიიღო და სისხლდენა დაეწყო.

ლედი გაგა ექიმების მისვლას დაელოდა, და მხოლოდ მას შემდეგ განაგრძო კონცერტი. მანვე განაცხადა, რომ დაშავებულ თაყვანისმცემელს, რომელსაც კონცერტის დატოვება მოუხდა, შემდეგ შოუზე ბილეთს აჩუქებს.

„უნდა გვესმოდეს, რომ არსებობს შოუზე გაცილებით ძვირფასი რამ“, - აღნიშნა მომღერალმა.