მედია პარიზის ტერაქტში ეჭვმიტანილი სალეჰ აბდესლამის დაკავების შესახებ იტყობინება
ბელგიელმა პოლიციელებმა პარიზის ტერაქტში ეჭვმიტანილი სალეჰ აბდესლამი დააკავეს. ამის შესახებ ტელეკომპანია RTL-ი იტყობინება.
არსებული ინფორმაციით, ეჭვმიტანილი მოლენბეკ-სენ-ჟანში საცხოვრებელ სახლში აიყვანეს. დაკავებისას სამართალდამცავებმა აბდესლამის ნეიტრალიზაციისათვის გაზი გამოიყენეს.
ამავე დროს Reuters-ი ბელგიურ ტელეკომპანია RTBF-ზე დაყრდნობით ამ ინფორმაციას უარყოფს.
აღნიშნულია, რომ მოლენბეკში სპეცოპერაცია 16 ნოემბერს დილით დაიწყო.
