ზიმბაბვეში სამხედროებმა ფინანსთა მისნიტრი იგნასისუ ჩომბო დააკავეს.
Reuters-ის ცნობით, ქალაქ ჰარარეში მთავრობის შენობის, პარლამენტისა და საამართლოს მიმდებარე გზები სამხედრო ტექნიკას აქვს ბლოკირებული.

თვითმხილველთა თქმით, ზიმბაბვეს დედაქალაქში აფეთქებების ხმაც ისმოდა.

ტელევიზით გამოსვლისას სამხედროებმა განაცხადეს, რომ მათი ქმედება სამხედრო გადატრიალება არ არის და ქვეყნის პრეზიდენტი და მისი ოჯახი უვნებელია. გავრცელებული ინფორმაციით, მათ პრეზიდენტი რობერტ მუგაბე და მისი გარემოცვის წევრები მძევლად ყავთ აყვანილი. 

ერთ-ერთი გენერლის თქმით, სამხედროები პრეზიდენტ მუგაბეს გარემოცვისა წინააღმდეგ გამოდიან.

მუგაბე ქვეყანას უკვე 37 წელია მართავს, მანამდე მის პოტენციურ მემკვიდრედ ვიცე-პრეზიდენტი ემერსონ მნანგაგვა იყო მიჩნეული, თუმცა ერთი კვირის წინ ის სახელმწიფო გადატრიალების მცდელობის ბრალდების გამო გაათავისუფლეს

ამის შემდეგ ქვეყანაში დაიწყო მნანგაგვას მომხრეების დევნა.

ზიმბაბვეს შეიარაღებული ძალების მთვარსარდალმა კონსტანტინო ჩივენგამ მუგაბე პოლიტიკურ წმენდაში დაადანაშაულა და ქვეყანაში განვითარებულ კონფლიქტში ჩართვის მზადყოფნა გამოთქვა.