მომღერალ აჯა პეკანს თურქ შერის უწოდებენ. ძნელი დასაჯერებელია, რომ ქალმა 70 წელს გადააბიჯა. თურქული ესტრადის ვარსკვლავი 1946 წელს დაიბადა და ის ახლა 71 წლისაა. ასაკის მიუხედავად, აჯა კონცერტებს აქტიურად მართავს და ჟურნალების გარეკანებისთვის ფოტოსესიებში მონაწილეობს. სოციალურ ქსელში გამოქვეყნებულ ფოტოებში ის 40 წლის ქალს გავს.

აჯას შეუძლია იტრაბახოს მოდელის აღნაგობით, ეფექტური გარეგნობით და უნაოჭო სახით. ცოტა ხნის წინ კი მომღერალმა თაყვანისმცემლები განცხადებით შოკში ჩააგდო. ერთ-ერთ ინტერვიუში მან განაცხადა, რომ პირმშოს გაჩენას აპირებს. მისი შესანიშნავი გარეგნობის საიდუმლო ცხოვრების ჯანსაღი წესია. ამის მიუხედავად, თურქული მედია ირწმუნება, რომ პოპ-დივას ცხოვრება ისეთი ლაჟვარდოვანი არ არის, როგორც სოციალური ქსელიდან ჩანს. ის, რომ მომღერალი თავის ასაკთან შედარებით ძალიან ახალგაზრდულად გამოიყურება, მრავალრიცხოვანი პლასტიკური ოპერაციის შედეგია. იმ დროს, როცა აჯას თანატოლები შვილიშვილებს წინდებს უქსოვენ, ის ღამის კლუბებში ცეკვავს, დაფრინავს ევროპაში კერძო თვითმფრინავით და სცენაზე ნახევრადგამჭვირვალე კოსტიუმებით გამოდის. ასეთი გარეგნობით ის საკუთარ თავს ყველაფრის უფლებას აძლევს, 71 წლის ასაკშიც კი.