აშშ-ის თავდაცვის სამინისტრო მოქმედ სამხედრო მოსამსახურეს სქესის შეცვლის ოპერაციის თანხას პირველად გადაუხდის. ამის შესახებ ტელეარხი NBC იუწყება.

„დღეს მოქმედ სამხედრო მოსამსახურეს სქესის შეცვლის ოპერაცია გაუკეთდა. სამხედრო ჰოსპიტალები მსგავსი ოპერაციის გამოცდილებას არ ფლობენ, ამიტომ ის კერძო კლინიკაში ჩატარდა“, - ნათქვამია პენტაგონის განცხადებაში.

განცხადებაში ასევე ნათქვამია, რომ ადრე სამხედრო სქესის შეცვლისთვის პროცედურების კურსს გადიოდა, ამიტომ მკურნალმა ექიმმა ეს ოპერაცია სამედიცინო ჩვენებების მიხედვით აუცილებლობად მიიჩნია. თავდაცვის სამინისტროს ჯანდაცვის სამმართველოს ხელმძღვანელმა თანხის გამოყოფის ალტერნატიული პროგრამა დაამტკიცა.

აშშ-ის არმიაში ტრანსგენდერების გაწვევის აკრძალვა ბარაკ ობამას პრეზიდენტობის დროს გაუქმდა. მაგრამ მისი რეალიზაცია 2017 წლის 1 ივლისამდე გადაიდო.

სხვადასხვა მონაცემით აშშ-ის არმიაში 1 300-დან 6 ათასამდე ტრანსგენდერი მსახურობს.