აზერბაიჯანში მიწისძვრა მოხდა
აზერბაიჯანში მიწისძვრა მოხდა. ადგილობრივი მედიის ინფორმაციით, მიწისქვეშა ბიძგები მთელი ქვეყნის მასშტაბით ორჯერ განმეორდა.
მიწისძვრა ადგილობრივი დროით, 23:50 საათზე დაფიქსირდა.
აზერბაიჯანში 5,7 მაგნიტუდის სიმძლავრის მიწისძვრის შედეგად რამდენიმე რაიონში საცხოვრებელი სახლები დაინგრა. მწყობრიდან გამოვიდა ელექტროგადამცემი ხაზები.
ეპიცენტრი ქალაქებში: ბარდასა და გეიჩაიში იყო. სტიქიის ზონაში მუშაობენ მაშველთა ჯგუფები. მსხვერპლისა და დაშავებულების შესახებ ინფორმაცია არ ვრცელდება.
მიწისძვრის ბიძგები საქართველოშიც იგრძნობოდა.
