დასავლური მედიის ცნობით, პოპულარული მომღერალი რიანა მალე ცოლად გაყვება არაბ მილიარდერს ჰასან ჯამილს.

„რიანა დარწმუნებულია, რომ ჰასან ჯამილი ღმერთმა გამოუგზავნა. მას სურს ჰასანს ცოლად გაყვეს და შვილი გაუჩინოს.

რიანა დარწმუნებულია, რომ ის შესანიშნავი მამა იქნება. გამუდმებით თავის საყვრელ მამაკაცზე ლაპარაკობს.

რადგან რიანა ბოლო დროს ლონდონში ხშირად ჩადის, სადაც ჯამილი ცხოვრობს, მათ მეტი შესაძლებლობა აქვთ ერთმანეთით დატკბნენ“, - განუცხადა მედიას წყვილთან დაახლოებულმა წყარომ.

რიანამ და ჰასანმა შეხვედრები მხოლოდ ზაფხულში დაიწყეს, მაგრამ უკვე დაქორწინებას გეგმავენ.

მომღერალსა და მის ბოიფრენდს ცერემონიის გამართვა ერთმანეთის სამშობლოში -  ან ბარბადოსში ან საუდის არაბეთში სურთ.

რიანამ საყვარელი მამაკაცი უკვე გააცნო თავის მამას, რომელსაც ჯამილი ძალიან მოეწონა.

ჯამილი 1,5 მლრდ დოლარის ქონებას ფლობს.

Forbes-ის მონაცემებით კი რიანას ქონება 230 მლნ დოლარს შეადგენს.