უკრაინაში 25 დეკებერი უქმე დღედ გამოცხადდა
უმაღლესმა რადამ უკრაინის ოფიციალურ სადღესასწაულო დღეებს შორის კათოლიკური შობა შეიტანა, რომელიც 25 დეკემბერს აღინიშნება.
ამასთან 7 იანვარი, როდესაც მართლმადიდებლები შობას აღნიშნავენ, სადღესასწაულო დღედ კვლავაც დარჩება.
სიახლის მიმართ უკრაინელი პოლიტიკოსების მიდგომა არაერთმნიშვნელოვანია: მას კიევის ევროინტეგრაციის გაძლიერების პოზიციას უწოდებენ, ზოგი კი ქვეყანაში მართლმადიდებლობის ნგრევისკენ გადადგმულ ნაბიჯად მიიჩნევს.
თუ კი კანონს სპიკერი და პრეზიდენტი ხელს ოპერატიულად მოაწერენ, 25 დეკემბერი უქმე დღედ წელსვე გამოცხადდება.
