ხვალ, საქართველოში პირველი და კავკასიაში ყველაზე დიდი წიგნის მუზეუმი გაიხსნება. მუზეუმში 19 ათასამდე უნიკალური გამოცემა გაერთიანდება, ამის შესახებ ინფორმაციას კულტურის სამინისტრო ავრცელებს.

უწყების ცნობით, მუზეუმში 4 დარბაზი მოეწყობა. ესენია: 

• იშვიათი გამოცემების მუზეუმი, სადაც ძველი გამოცემული წიგნები განთავსდება, მაგალითად 1629 წელს გამოცემული ქართულ-იტალიური ლექსიკონი და სხვ.
• ,,ვეფხისტყაოსნის" მუზეუმი, რომელშიც განთავსდება ,,ვეფხისტყაოსნის" ყველა ქართული და უცხოური გამოცემა
• ილიას დარბაზი, რომელშიც წარმოდგენილი იქნება მისი პირადი ნივთები და ბიბლიოთეკა
• ბროსეს საცავი, რომელიც სამინისტროს ცნობით, თანამედროვე სისტემებით და კლიმატკონტროლით არის აღჭურვილი, საცავში ეროვნულ ბიბლიოთეკაში დაცული უნიკალური და იშვიათი გამოცემები განთავსდება