ბელარუსის სახელმწიფოს უსაფრთხოების კომიტეტმა მინსკში უკრაინელი ჟურნალისტის პაველ შაროიკოს დაკავება დაადასტურა. ჟურნალისტს ქვეყანაში აგენტურული ქსელის შექნაში ადანაშაულებენ. უწყების წარმომადგენლის დიმიტრი პობიარჟინის თქმით, აგენტურული აქციის ჩატარებისას უკრაინის თავდაცვის სამინისტროს დაზვერვის სამმართველოს თანამშრომელი პაველ შაროიკო 25 ოქტომბერს დააკავეს.

მისი თქმით, უკრაინის თავდაცვის სამინისტროს პრეს-სამსახურის ხელმძღვანელად მუშაობის გამოცდილების გათვალისწინებით მას შენიღბვის მიზნით უკრაინის საზოგადოებრივი ტელევიზიის კორესპონდენტის თანამდებობა ეკავა.  

მისივე თქმით, ბელარუსში შაროიკომ შექმნა აგენტურული ქსელი, რომელშიც გაერთიანებულნი იყვნენ ბელარუსის მოქალაქეები  და ფულადი ჯილდოს სანაცვლოდ ასრულებდნენ დავალებებს სამხედრო-პოლიტიკურ სფეროში სადაზვრევო ხასიათის ცნობების შესაგროვებლად.