მომღერლებმა ვერიკო ტურაშვილმა და თემო საჯაიამ დუეტი ჩაწერეს. „თოვს“ - ასე ჰქვია სიმღერას, რომლის ტექსტი და მუსიკა თემო საჯაიას ეკუთვნის. როგორც ვერიკო ტურაშვილმა „პრაიმნიუსჯორჯიასთან“ საუბრისას განაცხადა, სიმღერა გაზაფხულზე „სანო“ სტუდიაში ჩაიწერა.                          

„სიმღერა მთლიანად ცოცხალი ინსტრუმენტებით არის, რომელზეც იმუშავეს მუსიკოსებმა: ლევან დეისაძემ, უჩა მეტრეველმა, ზაზა ცერცვაძემ და პაატა ანდრიაძემ. მე და თემო წლებია ვმეგობრობთ და როცა მან ეს სიმღერა მომასმენინა, მივხვდი რომ აუცილებლად უნდა ჩაგვეწერა. სიმღერა გაზაფხულზე ჩავწერეთ და კლიპის გადაღება უკვე დავასრულეთ“, - განაცხადა ვერიკო ტურაშვილმა.

კლიპის რეჟისორი ანრი ჯოხაძეა. ანრის ადრეც უმუშავია ვერიკოსთან ამ კუთხით და როგორც ჩანს, მათი კიდევ ერთი თანამშრომლობა შედგა.

კლიპში მომღერლის ჩაცმულობაზე დიზაინერმა ლაშა ჯოხაძემ იზრუნა. რაც შეეხება კლიპის სატელევიზიო პრემიერას, ის ტელეკომპანია „იმედზე“, გადაცემაში „პრაიმშოუ“ შედგება.