რუსეთის უშიშროების ფედერალური სამსახურის ხელმძღვანელის ალექსანდრე ბორტნიკოვის განცხადებით ეგვიპტეში რუსული თვითმფრინავის კატასტროფა ტერაქტის შედეგად მოხდა.

”შეგვიძლია ვთქვათ, რომ ეს იყო ტერაქტი”, - განაცხადა ბორტნიკოვმა პრეზიდენტ ვლადიმერ პუტინთან გამართულ თათბირზე.

მისი თქმით, А321-მა კატასტროფა თვითნაკეთი ასაფეთქებელი მოწყობილობის შედეგად განიცადა.

”თვითმფრინავში ამოქმედდა 1 კგ-მდე ტროტილის ექვივალენტი სიმძლავრის თვითნაკეთი ასაფეთქებელი მოწყობილობა, რის შედეგადაც თვითმფრინავი ჰაერში დაიშალა”,-აღნიშნა ბორტნიკოვმა.

ავიაკომპანია ”კოგალიმავიას” თვითმფრინავმა А321-მა, რომელიც შარმ-ელ-შეიხიდან სანქტ-პეტერბურგში მიფრინავდა, სინაის ნახევარკუნძულზე კატასტროფა განიცადა. ბორტზე მყოფი 224 მგზავრიდან არავინ გადარჩენილა.