ამერიკულმა სასტუმროთა ქსელმა Marriott International Inc-მა ფაქტობრივად დაასრულა მოლაპარაკებები კონკურენტ Starwood Hotels & Resorts-თან, რომლის მიხედვითაც Marriott-ი Starwood-ის მფლობელი გახდება. გარიგების ღირებულება 12,2 მლრდ დოლარია და მისი ოფიციალურად გაფორმების შემდეგ მსოფლიოს მასშტაბით უმსხვილესი სასტუმრო ქსელი ცამოყალიბდება, რომელიც 100 ქვეყნის მასშტაბით 5,5 ათასი სასტუმროს მფლობელი იქნება. როგორც უცხოური პრესა იტყობინება, გარიგების თანხა Marriott-ის აქციებიდან დაიფარება.

უნდა აღინიშნოს ისიც, რომ 16 ნოემბრის ვაჭრობაზე Marriott-ის აქციები 0,4%-ით გაძვირდა, ხოლო Starwood-ის კი 4 %-ით.

2015 წლის მესამე კვარტალში Marriott-ის წმინდა მოგებამ 210 მლნ დოლარი შეადგინა, ეს იმ ფონზე, როდესაც კომპანიის შემოსავალი 3,6 მლრდ დოლარი იყო.