ორგანიზაცია LGBT საქართველოს ყოფილი აღმასრულებელი დირექტორი დავით მიხეილ შუბლაძე ნიუ-იორკში დაქორწინდა.

შუბლაძეს და მის რჩეულს, იტალიელ მეთიუ გენდოლფოს საქორწინო ცერემონიაზე ჩოხები ეცვათ.

,,ჩემი საჩუქარია იმ ურა-პატრიოტებისთვის და ფსევდორელიგიური ხალხისთვის, რომელთაც ერევათ ყველა გაგება და ქრისტეს სახელით მოსაკლავად გამოგეკიდებიან, პირსაც გვარიანად აიყროლებენ (თუმცა სხვა რა დარჩენიათ?). ასევე, იმათთვის, ჩოხა და სექსუალური ორიენტაცია ქართველობა რომ ჰგონიათ. მათთვისაა საჩუქარი, ვინც რუსთაველზე ჩოხით გაბღენძილი დაიარება და საქართველოში ჩამოსულ ემიგრანტებს ერჩის ქართველობის გადარჩენის მიზნით. ასევე, ვუძღვნი პირადად ამხანაგებ გია კორკოტაშვილსა და სანდრო ბრეგაძეს, აბა თქვენ იცით, არ მოდუნდეთ! თქვენ ნამდვილად გამოგდით საზოგადოების ყურადღების მობილიზება ლგბტ თემაზე, რის შემდეგ ლგბტ აქტივისტები ახერხებენ პრობლემებზე საუბარს და ფართო მასებამდე მიტანას. მადლობა, რომ მუდმივად ახერხებთ ამ თემის ,,პრაიმთაიმში" გატანას", - განაცხადა ,,ტაბულასთან'' საუბრისას შუბლაძემ.

შეგახსენებთ, რომ ამერიკის შეერთებული შტატების უზენაესმა სასამართლომ ლგბტ ქორწინება ლეგალურად 2015 წლის 26 ივნისს გამოაცხადა.