ვერეს ხეობაში არანაირი სასტუმრო არ აშენდება, - ამის შესახებ თბილისის მერმა ვერეს ხეობაში სასტუმროს მშენებლობის ნებართვის გაცემის თაობაზე, ,,ნაციონალური მოძრაობის“ მიერ გავრცელებული ინფორმაციის კომენტირებისას განაცხადა.

მისი თქმით, გაარკვევს ,,თუ ვინმემ დრო იხელთა, ტრანზიციის პერიოდში“.

,,ეს არის რეკრეაციული ზონა. ჩვენ გვექნება სპეციალური მიდგომა ამ ხეობის განვითარებისთვის. არსებობს ზოგადად კონცეფცია, როგორ შეიძლება მისი განვითარება. თუ ვინმემ რაღაც დრო იხელთა, ვიდრე ტრანზიციის და გარდამავალი პერიოდი იყო, არ ვიცი, ამას გავივლით, თუმცა ვერეს ხეობაში ვერანაირი სასტუმრო ვერ აშენდება“, - განაცხდა კახა კალაძემ.

ენმ-ის წევრის, თბილისის საკრებულოს დეპუტატ ნიკა ვაჩეიშვილის ინფორმაციით, თბილისის მერიის ზონალური საბჭოს ხუთმა წევრმა დადებითი რეკომენდაცია გასცა მდინარე ვერეს ხეობაში 10-სართულიანი სასტუმროს მშენებლობაზე.