თუ ჩრდილოეთ კორეასთან ომი გაჩაღდება, რეჟიმი მთლიანად განადგურდება. ამის შესახებ გაეროში აშშ-ის მუდმივმა წარმომადგენელმა ნიკი ჰეილიმ განაცხადა.

 „ჩრდილოეთ კორეის დიქტატორმა თავისი არჩევანი გააკეთა. მსოფლიო ომს კი არ დაშორდა, არამედ მიუახლოვდა. არასდროს გვინდოდა ჩრდილოეთ კორეასთან ომი. და არც დღეს მივისწრაფვით ამისკენ, თუმცა თუ ომი გაჩაღდება, მხოლოდ იმის გამო, რომ გრძელდება აგრესიის აქტები. თუ ომი დაიწყება, ეჭვს გარეშეა, რომ ჩრდილოეთ კორეის რეჟიმი მთლიანად განადგურდება“, - განაცხადა ჰეილიმ გაეროს უშიშროების საბჭოს სხდომაზე.

ჩრდილოეთ კორეამ სექტემბრის შემდეგ 29 ნოემბრის ღამეს პირველად გამოსცადა ბალისტიკური რაკეტები. ფხენიანის განცხადებით, კონტინენტშორის ბალისტიკურ რაკეტებს აშშ-ის ტერიტორიის ნებისმიერ კუთხემდე შეუძლია მიღწევა.