იემენში შეტაკებებს 245 ადამიანი ემსხვერპლა
იემენის დედაქალაქ სანაში მემბოხე ჰუსიტებსა და ექს-პრეზიდენტ ალი აბდალ სალეჰის მხარდამჭერებს შორის შეტაკების მსხვერპლთა რაოდენობა 245-მდე გაიზარდა.
ყოფილ მოკავშირეებს შორის კონფლიქტი მათ მიერ კონტროლირებად დედაქალაქში რამდენიმე დღის წინ დაიწყო.
ბრძოლები ქალაქში უდიდესი მეჩეთის ირგვლივ დაიწყო და მალე ქალაქის სხვა რაიონებში გადაინაცვლა.
სამოქალაქო ომი 2014 წელს დაიწყო, როდესაც ჰუსიტები ხელისუფლების წინააღმდეგ გამოვიდნენ.
მათ ხელში გადავიდა ქვეყნის უმეტესი რაიონი, მათ შორის დედაქალაქი, თუმცა არაბული კოალიციის ჩარევის შემდეგ ხელისუფლებამ მათი ნაწილი გამოიხსნა.
