აშშ მხარს უჭერს საქართველოს წევრობას ნატოში - ტილერსონი
ამერიკის შეერთებული შტატები მხარს უჭერს საქართველოს ჩრდილოატლანტიკურ ალიანსში გაწევრიანებას.
ამის შესახებ აშშ-ის სახელმწიფო მდივანმა რექს ტილერსონმა ბრიუსელში, საქართველოს ვიცე-პრემიერთან, საგარეო საქმეთა მინისტრ მიხეილ ჯანელიძესთან შეხვედრის შემდეგ განაცხადა.
ტილერსონი მიხეილ ჯანელიძეს ბრიუსელში, ნატო-ს მინისტერიალის ფარგლებში შეხვდა.
“დღეს შეხვედრა გვქონდა საქართველოს საგარეო საქმეთა მინისტრთან. ჩვენ მხარს ვუჭერთ საქართველოს მომავალ წევრობას ჩრდილოატლანტიკურ ალიანსში”, – განაცხადა რექს ტილერსონმა.
