გერმანიაში საშობაო ნაძვის ხე წაიქცა -არიან დაშავებულები
გერმანიაში საშობაო ბაზრობაზე 15-მეტრიანი ნაძვის ხე წაიქცა. არიან დაშავებულები.
გამოცემა Aachener Nachrichten-ის ცნობით, ინციდენტი ქალაქ ეშვაილერში მოხდა. ნაძვის ხე საბავშვო ატრაქციონს დაეცა. გერმანული მედიის ინფორმაციით, შემთხვევის შედეგად ოთხი ადამიანი დაშავდა. ისინი საავადმყოფოში გადაიყვანეს. გავრცელებული ინფორმაციით, დაშავებულთა შორის ბავშვები არ არიან.
ინციდენტის მიზეზები უცნობია. საშობაო ბაზრობა დახურეს. უახლოეს ხანებში ნაძვის ხეს დაჭრიან და შემთხვევის ადგილიდან გაიტანენ.
