რუსეთის უშიშროების ფედერალური სამსახურის ექპერტების თქმით, А321-ის ბორტზე ბომბი სავარძლის ქვეშ იყო მოთავსებული.როგორც გაზეთი ”კომერსანტი” თავის წყაროზე დაყრდნობით წერს, ასაფეთქებელი მოწყობილობა ლაინერის სალონში კუდის ბოლო ნაწილში მდებარეობდა. როდესაც ბომბი აფეთქდა, მოხდა წნევის მკევთრი ვარდნა, რის შედეგადაც სავარაუდოდ ბორტზე მყოფი ადამიანები ფაქტობრივად წამიერად დაიღუპნენ.
სპეციალისტების ვარაუდით, თვითმფრინავის ბორტზე ბომბის შეტანა შარმ-ელ-შეიხის მომსახურე პერსონალის ერთ-ერთ თანამშრომელს შეეძლო. ასაფეთქებელ მოწყობილობას საათის მექანიზმი ჰქონდა.
ავიაკომპანია ”კოგალიმავიას” ლაინერი А321 სინაის ნახევარკუნძულზე 31 ოქტომბერს ჩამოვარდა. ბორტზე მყოფი 224 მგზავრიდან არავინ გადარჩენილა.