სომალიში ტერაქტს 13 ადამიანი ემსხვერპლა
13 ადამიანი დაიღუპა სომალის დედაქალაქ მოგადიშოში პოლიციის აკადემიაზე თავდასხმის შედეგად.
„როიტერის“ ინფორმაციით, აფეთქება თვითმკვლელმა ტერორისტმა განახორციელა, რომელიც გენარალ კაჰიეს აკადემიის ტერიტორიაზე პოლიციელთა აღლუმის დროს შეიჭრა. დაიჭრა კიდევ 15 ადამიანი.
სააგენტოს ინფორმაციით, ტერაქტზე პასუხისმგებლობა დაჯგუფება „აშ შაბაბმა“ აიღო.
სომალიში მოქმედებს რადიკალური ისლამისტური დაჯგუფება „აშ-შაბაბი“, რომელსაც კავშირი აქვს „ალ-ქაიდასთან“.
ის შეირაღებულ ბრძოლას აწარმოებს სომალის ცენტრალური ხელისუფლების წიანააღმდეგ და ხელს უშლის გაეროს ჰუმანიტარულ საქმიანობას.
