თურქეთის სანაპირო დაცვამ ეგეოსის ზღვაში, იზმირის რაიონში 68 არალეგალი მიგრანტი გადაარჩინა.
სანაპირო დაცვამ გემიდან სიგნალი მიიღო, რის შემდეგაც შემთხვევის ადგილზე ორი ვერტმფრენი და სამაშველო ნავი გაგზავნა. მაშველებს გემზე 68 ადამიანი დახვდათ. პირველ რიგში ოთხი ბავშვი გამოიყვანეს, რომლებიც დიკილის პორტში ვერტმფრენით გაგზავნეს. დაღუპულებისა და დაშავებულების შესახებ ინფორმაცია არ ვრცელდება.

არალეგალები ხშირად სარგებლობენ თურქეთით, როგორც სატრანზიტო ტერიტორიით ევროპის სანაპიროებზე მოსახვედრად. როგორც წესი, მიგრანტები საბერძნეთში მოხვედრას ეგეოსის ზღვის სანაპიროდან საზღვაო გზით ცდილობენ. იშვიათად იყენებენ შავი ზღვის სანაპიროს ბულგარეთისა და რუმინეთის მიმართულებით.