დაჯგუფება „რუბიკონის“ ანარქისტები საბერძნეთში საუდის არაბეთის საელჩოს თავს დაესხნენ. თავდამსხმელებმა იემენის დაბომბვის პროტესტის ნიშნად დაამტვრიეს დაცვის სამსახურის ჯიხური და დიპმისიის ტერიტორიაზე გაურკვეველი ნივთები გადაყარეს.
თავდასხმის ვიდეო და დაჯგუფების განცხადება ანარქისტული ორგანიზაციის პორტალზე გამოქვეყნდა.

ვიდეოჩანაწერის მიხედვით, თავდასხმაში სულ მცირე 6 ადამიანი მონაწილეობდა, რომლებიც საელჩოსთან მოტოციკლებით მივიდნენ.

 „რუბიკონის“ განცხადებაში ნათქვამია, რომ დაჯგუფება იბრძვის საუდის არაბეთის სამეფო ოჯახის მიერ დადგენილი ფეოდალური კანონებისა და ახლო აღმოსავლეთში მისი გავრცელებისა და დანარჩენ მსოფლიოში ექსპორტის მცდელობის წინააღმდეგ. განცხადებაში აღნიშნულია, რომ საუდის არაბეთი გაურკვეველ ომს აწარმოებს იემენში, სადაც შექმნა ნამდვილი ჯოჯოხეთი ათობით ათასი ადამიანისთვის.

 „იემენში გენოციდია. დასავლური მედია დუმს ამ ბარბაროსობის წინაშე“, - ნათქვამია განცხადებაში.