აშშ-ის მოქალაქემ დენის კოვალსკიმ 140 ათასი დოლარი იმისთვის დახარაჯა, რომ ის და მისი ოჯახის წევრები სიკვდილის შემდეგ გაყინონ. მისი აზრით, ასეთი ინვესტიცია მათ სიცოცხლის მეორე შანსს მისცემს.

როგორც Daily Mail-ი წერს, ვისკონსინის შტატის მცხოვრებმა განაცხადა, რომ აპირებს თხევად აზოტში გაყინოს თავისი ცოლი და სამი ვაჟი - 19 წლის ჯეიკობი, 17 წლის დენი და 16 წლის ჯეიმსი.  

დენის კოვალსკისა და მის ოჯახს თხევად აზოტში სიკვდილის შემდეგ გაყინავენ.

კოვალსკის თქმით, მომავალში გამოიგონებენ მკვდრეთით აღდგომის პროცესს, ეს ინვესტიციები კი ოჯახს სიცოცხლესთან დაბრუნებაში დაეხმარება.

კოვალსკიმ ამერიკულ პრესასთან ინტერვიუში განაცხადა, რომ ერთი ადამიანის გაყინვა 28 ათასი დოლარი ღირს. მისივე თქმით, უკვე გაყინულია 160 ცხედარი და 100 ცხოველი.