საქართველოს ყოფილმა პრეზიდენტმა უკრაინის ლიდერს პეტრო პოროშენკოს ღია წერილი მისწერა, რომელიც ფეისბუქის თავის გვერდზე გამოაქვეყნა.

 „აღიარეთ თქვენი თავისა და ხალხის წინაშე, რომ თქვენ და თქვენს მხარდამჭერებს არ შეუძლიათ უკრაინა უკეთესობისკენ შეცვალონ. თქვენი გადადგომა ეს უკანასკნელი შანსი იქნება გადაილახოს პოლიტიკური კრიზისი, რომელიც სხვაგვარად მხოლოდ გაღრმავდება.

პრეზიდენტს, რომელიც თავისი სურვილით გადადგება და თავს დახრის ხალხის ნების წინაშე, შეუძლია სასჯელის შერბილებისა და შეწყალების იმედი ჰქონდეს“,- განაცხადა სააკაშვილმა.

მისი თქმით, მან დაწერა ღია წერილი, რადგან პრეზიდენტის ადმინისტრაციის პრეს-სამსახურმა მისი წინა წერილი გამოაქვეყნა და ოქტომბრის სასახლესთან პროვოკაცია მოაწყო.

”სწორედ ამიტომ წინა წერილში მე გთავაზობდით ერთად მოგვეძებნა კონფლიქტის გადაჭრის გზები. მაგრამ ამის ნაცვალდ თქვენ გამოაქვეყნეთ ჩემი პირადი წერილი. მე წინააღმდეგი არ ვარ. მასში არაფერია ისეთი, რისი დამალვაც მსურდა. მაგრამ ამით თქვენ დაამტკიცეთ, რომ არ გაქვთ ღირსება. თქვენ არ მიპასუხეთ ამ წერილზე. თუმცა თქვენმა ადმინისტრაციამ ოქტომბრის სასახლესთან პროვოკაცია მოაწყო. ვაღიარებ, რომ ამ პროვოკაციას წამოვეგე... და პოლიტიკურ პასუხიმსგებლობას ვიღებ“, - ნათქვამია წერილში.