ნათია თოდუა გერმანული ვოისის გამარჯვებულია. მომღერალი ბედნიერია, რადგან მასთან ერთად მთელი საქართველო ზეიმობს. ის, სოციალური ქსელით საზოგადოებას მადლობას უხდის და პოსტს აქვეყნებს:

ნათია თოდუა: უღრმესი მადლობა რომ მთელი საქართველო ზეიმობთ ჩემთან ერთად! უბედნიერესი ვარ!
#ძალაერთობაშია #ძალასიყვარულშია

ასევე მსურს მოგიწოდოთ რომ უბრალოდ გავიხაროთ აწმყოთი, რომელიც ძალიან დამეხმარება ნათელ მომავალში ,რომელიც მომავალშიც აუცილებლად გაგვახარებს და გაგვაბედნიერებს. 

არიან ადამიანები, რომლებიც ცხოვრების რაღაც ეტაპზე შემფასებელისგან მიღებულ სუბიექტურ აზრს იჯერებენ და შემდეგ ჩერდებიან. 

არიან ადამიანები, რომლებსაც გულის ძახილი არ ასვენებთ და კიდევ მცდელობებს განაგრძობენ. მე ბედნიერი ვარ რომ ამის ძალა აღმომაჩნდა, ბედნიერი ვარ რომ ცხოვრებამ ბავშვობიდან ბრძოლა მასწავლა და გამაძლიერა როგორც პიროვნება. ის შეფასება თუნდაც იმიტომ იყო საჭირო რომ დღეს აქ ვყოფილიყავი,ამიტომ ჩემი თხოვნა იქნება შევირგოთ აწმყო და ეს წარმატება. არ ჩავუციკლდეთ წარსულს, რომელშიც თავად თვლით რომ შეცდომა იყო ... 

ნუ გავაზიარებთ იმ ნეგატივს, რაც საბედნიეროდ ჩემს წარსულშია. ყველა ადამიანს გააჩნია საკუთარი აზრი, ყველა ადამიანია თავისი თავის უფალი. 

ვიცი რომ 2014 წელს გამოუცდელი კონკურსანტის ნათია თოდუას შეფასება გიორგი გაბუნიასგან შეურაცხყოფა უფრო იყო ვიდრე შეფასება, მაგრამ საბედნიეროდ ამით არ წყდება ყველაფერი.

დღეს, მოლოცვებთან ერთად ვხედავ რომ უმრავლესობა მათ კრიტიკაზე და შეურაცხყოფაზე გადადიხართ რაც ნამდვილად არ არის საჭირო :)

პ.ს მე პირადად არ მსურს შეურაცხყოფას შეურაცხყოფით ვუპასუხო , მე მოგებით ვუპასუხე :) მიყვარხართ.

შეგახსენებთ, რომ გერმანული Voice-ის ფინალში ნათია თოდუამ 4 სიმღერა შეასრულა, მათ შორის ერთ-ერთი Sunrise Avenue-ს ცნობილ ვოკალისტ სამუ ჰაბერთან ერთად, რომელიც მისი მწვრთნელია. 21 წლის ქართველმა მომღერალმა ხმების 50,10% მოიპოვა.