მინესოტას მკვიდრს მონალისა პერესს, რომელიც მეგობარი ბიჭის არაგანზრახ მკვლელობისთვის იყო ბრალდებული, ნახევარი წლით პატიმრობა მიუსაჯეს.
გოგონა ციხეში ექვს თვეს გაატარებს და მომდევნო ათი წლის განმავლობაში სამართალდამცველების მეთვალყურეობის ქვეშ იქნება.

ინციდენტი იმ დროს მოხდა, როდესაც წყვილი youtube-თვის ისტორიაში ერთ-ერთ ყველაზე საშიშ ვიდეორგოლს იღებდა.

წყვილმა გადაწყვიტა გამოეცადა ტყვიას გაუძლებდა თუ არა წიგნი, რომელიც ბიჭმა მკერდზე დაიდო. გოგონას თქმით, იდეა მის მეგობარ ბიჭს ეკუთვნოდა.

მათ ვიდეორგოლის გადაღებისთვის მსხვილკალიბრიანი პისტოლეტი Desert Eagle შეარჩიეს. პერესმა ნახევარი მეტრის მანძილიდან ისროლა. ტყვიამ წიგნი გაიარა და რუისის მკერდს მოხვდა.

მიღებული ჭრილობის შედეგად ახალგაზრდა მამაკაცი გარდაიცვალა.