15 წლის მოზარდს სატვირთოს საბურავი მოხვდა და დაიღუპა - უბედური შემთხვევა სოფელ ქვიანში
ლანჩხუთის მუნიციპალიტეტის სოფელ ქვიანში 15 წლის მოზარდი დაიღუპა.
არსებული ინფორმაციით, გზაზე მიმავალ სატვირთო მანქანას საბურავი მოძვრა, რომელიც იქვე მყოფ 15 წლის მოზარდს მოხვდა.
მოზარდი მძიმე დაზიანებებით საავადმყოფოში გადაიყვანეს, თუმცა, ექიმებმა მისი გადარჩენა ვერ შეძლეს.
შინაგან საქმეთა სამინისტრომ მომხდარზე გამოძიება უკვე დაიწყო.
