მომღერალი დათო გომართელი ცოლს გაშორდა, ამის შესახებ მან „სარკესთან“ ინტერვიუში ისაუბრა. 

„ეს მოხდა ჩემს ცხოვრებში. საერთოდ არ მიყვარს ტყუილი, არ ვარ ის ადამიანი, ვინც ან თვითონ ცხოვრობს ტყუილში, ან სხვას აცხოვრებს. არც ის შემიძლია, სახლში მეუღლე მყავდეს და სააბაზანოში ჩაკეტილი, მოშვებული ონკანის ჩხრიალში ჩუმად სხვა ქალს ველაპარაკო ტელეფონით და მესიჯები ვაგზავნო. რადგან დამთავრდა ერთი სიყვარული და დაიწყო მეორე, გადავწყვიტე, ყველაფრისთვის თავვისი სახელი დამერქმია.

ძალიან მძიმე, მტკივნეული და საპასუხისმგებლო გადაწყვეტილება იყო. როცა ახალგაზრდა ასაკში ინგრევა ოჯახი, მაშინაც რთულია, მაგრამ პასუხისმგებლობის გრძნობა ასეთი გამძაფრებული არ გაქვს. მე ორმაგი პასუხისმგებლობა ავიღე ჩემი ძველი ოჯახის და ახალი ცხოვრების თანამგზავრის წინაშე.

ცხოვრება მოულოდნელობებით არის სავსე, მაგრამ როცა სიყვარულია, ყოველთვის საინტერესოა,“ - ამბობს მომღერალი.