ქალმა, რომლის სახელიც არ ხმაურდება, მსახიობი სილვესტერ სტალონე გაუპატიურებაში დაადანაშაულა. მისი თქმით, ინციდენტი 30 წლის წინ მოხდა.

კალიფორნიის შტატის ქალაქ სანტა-მონიკას სამართალდამცველი ორგანოების წარმომადგენლებს ჯერ კიდევ ვერ გადაუწყვიტავთ, დაიწყონ თუ არა გამოძიება. მსხვერპლის თქმით, შემთხვევა 1990-იანი წლების დასაწყისში მოხდა. პოლიციამ ჯერ უნდა გაარკვიოს კანონიერია თუ არა სისხლის სამართლის საქმის აღძვრა მისი ხანდაზმულობის გამო.

ქალის განცხადებით, სტალონემ ის თავის ოფისში გააუპატიურა. მსახიობი ბრალდებას უარყოფს.

ნოემბერში სტალონე 16 წლის თაყვანისმცემლის სექსის იძულებაში დაადანაშაულეს. დაზარალებულის თქმით, შემთხვევა 1986 წელს ლას-ვეგასში ფილმის „მთელი ძალით“ გადაღების დროს მოხდა.

ქალის თქმით, სტალონემ ის თავის ნომერში მიიწვია და პირადი მცველის დახმარებით აიძულა მასთან სექსით დაკავებულიყო. მსახიობი ბრალდებას უარყოფს და მას სასაცილო ტყუილს უწოდებს.