მელბურნში ავტომობილი ქვეითებს განზრახ დაეჯახა
ავსტრალიის პოლიციის განცხადებით, მელბურნში ავტომობილის მძღოლი ქვეითებს განზრახ დაეჯახა, თუმცა მომხდარის მოტივები ჯერ დაუდგენელია.
ინციდენტის შედეგად 14 ადამიანი დაშავდა. რამდენიმე მათგანის ჯანმრთელობის მდგომარეობა ძნელია.
შემთხვევა მელბურნში ფლინდერს-სტრიტის სარკინიგზო სადგურთან მოხდა. ავტომობილი ქვეითებს დაეჯახა და მოძრაობა განაგრძო. პოლიცია ინციდენტს იძიებს. დაკავებულია ავტომობილის მძღოლი და კიდევ ერთი ადამიანი.
