29 წლის ფოტომოდელი ლორენ ვასერი შეუძლოდ მეგობრის წვეულებაზე გახდა. გოგონამ იფიქრა, რომ გრიპით დაავადდა, მაგრამ რამდენიმე დღის შემდეგ მას ფეხის ამპუტაცია ტოქსიკური შოკის სინდრომის გამო დასჭირდა. ამის შესახებ Daily Mail-ი წერს. შემთხვევა 2012 წელს მოხდა.

ტოქსიკური შოკის მიზეზი ჰიგიენური ტამპონი გახდა. გოგონა საავადმყოფოში გადაიყვანეს, სადაც ხელოვნურ კომაში შეიყვანეს. შემდეგ კი მარჯვენა ფეხი და მარცხენა ფეხის თითები მოკვეთეს.

ვასერი დღემდე იტანჯება ტკივილებით მარცხენა ფეხში, სადაც ჩამოყალიბდა განუკურნებელი წყლული. რამდენიმე თვის შემდეგ მას მარცხენა ფეხსაც მოკვეთენ.  

ვასერის თქმით, ერთადერთი, რისი მიღწევაც სურს, ეს საშიში ჰიგიენური ტამპონების აკრძალვაა.  

ფოტომოდელი მოითხოვს, რომ ჯანდაცვის ნაციონალურმა ინსტიტუტებმა შეამოწმონ ქალის ჰიგიენური პროდუქცია. ის იმედოვნებს, რომ მისი ისტორია კანონმდებლებს დააფიქრებს სერიოზულად მოეკიდონ ქალის ჯანმრთელობას.