მეცნიერებმა აღმოაჩინეს გენი, რომელიც პასუხს აგებს  ჰალიტოზზე - პირის ღრუდან უსიამოვნო სუნზე. როგორც წესი, ჰალიტოზი გამოწვეულია პირის ღრუში ბაქტერიული ფლორის გაზრდისა და საჭმლის მომნელებელი ორგანოების პრობლემებით. მეცნიერულ კვლევას გამოცემა Nature Genetics-ი აქვეყნებს.

მეცნიერებმა დაადგინეს, რომ ადამიანების 3 პროცენტს, პირის ღრუში არასასიამოვნო სუნი გაურკვეველი მიზეზებით აწუხებთ. მეცნიერები აკვირდებოდნენ ოჯახებს, რომლებსაც ჰალიტოზი მემკვიდრეობით გადაეცათ.

ამონასუნთქ ჰაერში მეცნიერებმა იპოვეს გოგირდისა და მეთანთიოლის ნაერთების მაღალი შემცველობა, რომელიც დამპალი კომბოსტოსავით ყარს. დადგინდა, რომ ექსპერიმენტის მონაწილეებს ჰქონდათ SELENBP1 გენის მუტაცია, რომელიც პასუხისმგებელია ცილის გამომუშავებაზე, ის ხელს უწყობს მეთანთიოლის დაშლას, რომელიც წარმოიქმნება საჭმლის გადამუშავებისას.

მუტაციამ გავლენა მოახდინა ექსპერიმენტში მონაწილეთა სისხლში მეთანთიოლის კონცენტრაციის გაზრდაზე. მფრინავი ნაერთები ხვდებოდნენ ამონასუნთქ ჰაერში, როდესაც სისხლი ფილტვებამდე აღწევდა.